أكاذيب تكشفها حقائق : الملكية و ثورة يوليو

الملك فاروق لم يحصل علي أي شهادة جامعية ولم ينتظم في الدراسة إلا ستة أشهر. وبيقارنوه بواحد جاب في الثانوية العامه ٦٨% ودخل كلية حقوق ( كلية قمه وقتها ) ومن بعدها الكلية الحربية وحصل علي درجة أركان حرب (ماجيستير العلوم العسكرية) وعين مدرسا في الكلية الحربية.

محمد علي وعيلته أدوا لأوروبا وأمريكا مئات الألاف من القطع الأثرية أدوهم مسلات كامله بدون مقابل .. ولما حبوا يستشهدوا بحادث من الماضي يدل علي التفريط في الآثار استشهدوا بحادث إهداء مصر بقايا خمس معابد صغيرة متهدمة (حرفيا المعبد ٥متر x ٥متر) لمنظمه اليونسكو كهدية علي دورها في إنقاذ أثار النوبه في الستينيات ومعابد بحجم معبدي أبوسمبل وسابوا الي أهدي مسلات كامله لفرنسا وإنجلترا وأمريكا وبيمجدوا فيهم.

الجنية خسر في عهد فاروق ١١ قرش وفي عهد السادات ٢٠ قرش .. ولما حبوا يتكلموا عن أكبر فتره هبوط للجنية ويلبسوا حاكمها انه هو سبب ضياع قيمه الجنية ، لبسوها لواحد الجنية المصري خسر في فتره حكمه ٤ قروش بس وكان عهده أطول فتره إستقرار للجنية خلال تاريخه ( ١٩٥٢ الي ١٩٦٨ )وكان الدولار ثابت ب ٣٦ قرش.

عزيز صدقي بني ١٢٠٠ مصنع في كل شيء من أول الابره بتاعة مصانع الغزل لحد العربية نصر والثلاجة الإيديال والتلفزيون التليمصر .. بس لما حبوا يرجعوا حد من الماضي عشان يقولوا بيبنوا مصانع تاني رجعوا واحد بني ٣٠ مصنع بس وقالك #طلعت_حرب_راجع مع كامل الإحترام لطلعت حرب إللي فاروق أجبره يستقيل من رئاسة بنك مصر وعين بداله ناظر الخاصة الملكية. 💗

محمد علي إللي حارب في الحجاز واليونان وكريت والشام وحتي ميناء المخا في اليمن وراح تركيا نفسها عشان يحتلهم والوالي سعيد باشا إللي بعت قوات من الجيش للمكسيك عشان خاطر عيون نابليون الثالث والخديوي إسماعيل إللي الجيش في عهده أبيد في معركة جاويند علي حدود الحبشه .. ولما حبوا يستشهدوا بواحد دخل حروب قال إيه مالهاش لازمة استشهدوا بواحد بعت الجيش إلي اليمن فأخرجها من القرون الوسطى للقرن العشرين وطرد الإحتلال البريطاني من عدن وإستقلت بفضل ذلك الضغط وذلك الوجود كل دول الخليج الإمارات وقطر والبحرين.

الخديوي إسماعيل استلف ٧٢ مليون إسترليني وعجز عن دفع أقساطها و جاء وزيرين إنجليزي للداخل (المالية) وفرنسي للمصروف (الأشغال) وفي الأخر تم إحتلال مصر بالكامل وتسخير إقتصادها لدفع الديون طوال ٥٠ سنة، والرئيس السادات إستلف ٢٠.٧ مليار دولار في ١١ سنه ووصلت الديون في نهاية عهدة ل١٠١% من الدخل القومي، ولما حبوا يتكلموا عن كارثة الديون في مصر لبسوها لواحد إستلف مليار واحد وثماثمائة مليون دولار طوال ١٨ سنه وبما لا يزيد عن ربع الدخل القومي وبني ١٢٠٠ مصنع منتج وسد ثمنه لوحده مليار دولار.

محمد علي ذبح المماليك وعزل عمر مكرم ، والسادات أعتقل جميع خصومه في ١٥ مايو ١٩٧١ وسجن ١٥٣٦ واحد من رموز مصر من كل إتجاه في سبتمبر ١٩٨١ لرفضهم معاهدة الإستسلام ولما جم يتكلموا عن السجون والمعتقلات إتكلموا عن واحد سجن أعضاء منظمات سرية مسلحة حاولت إغتاله في المنشية ١٩٥٤ ولما أفرج عنهم في ١٩٦٤ حاولوا ثاني بعد سنة واحدة لكن المرة دي مش إغتياله لوحده، لأ. وجميع أعضاء الحكومة وتفجير القناطر الخيرية وسط فتوي بكفر المجتمع بأكملة إلا هم.

وفي الآخر يجي واحد يقول مفيش مؤامرة لتشويهه عهد جمال عبدالناصر وتلميع إبن نازلي !! وإن صفحة الملك فاروق ما بيندفعلهاش فلوس لترويج منشوراتها إللي بتهاجم عبدالناصر ، وإن إذاعة لقائات وسيم السيسي ويوسف زيدان إللي بينقضوا فيها جمال عبدالناصر وتكرارها كإعلانات مدفوعة ع القاهرة والناس بمبلغ وقدره صدفة!

وياريت كلامهم نقد موضوعي سليم، إلا كلها كلام مغلوط أبسطه قال إيه القناه فضلت مقفولة بعد التأميم بسبب حرب ١٩٥٦ لغاية ١٩٧٥، والمصيبة في بهايم بتصدق وما بتكلفش نفسها دقيقتين بحث محترم لتعرف إن القناة ما إتقفلتش بسبب حرب ٥٦ أكثر من ٥ شهور وإنها فضلت شغالة من ١٩٥٧ إلي ١٩٦٧ ودخلها بني السد العالي من غير قروض لا من أمريكا ولا بريطانيا ولا البنك الدولي.

إنتقدوا جمال عبدالناصر بشرف،
جاتكوا القرف.