في الرد على اكاذيب عصر الملك فاروق

admin 1 أغسطس، 2019 حوارات ناصرية 2 تعليقات 407 زيارة

النهارده هرد على اكثر اكاذيب الملكية انتشارا حتى نصحح مفاهيم مغلوطة عند البعض وتاريخ مزيف يكتبه ويروج له خونه ومأجورين لتجميل صورة الاحتلال او حكم الاجنبي لمصر وان حكم الغريب افضل من حكم المصريين لوطنهم
وطبعا ساعد على رواج هذه الشائعات ما عانته البلاد خلال ال 40 سنه السابقه من اهمال وفساد *** ومن هذه الشائعات والمغالطات التي يرددها البعض من عبيد الملكية
1- ان الملك فاروق رفض التعامل مع منجم السكري ليحتفظ به للأجيال القادمه ودا طبعا غلط … لانه رفض التعامل معاه وقتها لان تكلفة استخراج الذهب من منجم السكري كانت عاليه جدا وكان ال 4 طن رمال تخرج 4 جرام ذهب فقط
وهذا ما نشرته اخبار اليوم 23 فبراير 1947
يعني مش علشان خاطر عيونكم ولا حاجه …..
2- ان الملك فاروق تنازل عن العرش ورفض مقاومة الثوار وقدم مصلحة مصر عن المصلحة الشخصية … ودا طبعا مش صحيح لان ما كتبه “أحمد مرتضى المراغي” اخر وزراء داخلية الملك في مذكراته باسم “شاهد على حكم فاروق” ان الملك حاول الاستعانة بالإنجليز لإنقاذه وتم طرد مندوبه الذي التقي مستر “كروسويل” القائم بأعمال السفير والذي رد “كيف نساعد مجنونا”
ودا طبعا لان الانجليز مكنوش عارفين الاوضاع هترسى على ايه والمحتل دايما مع الكسبان
ودي شهادة وزير داخلية الملك مش من صفحة عسل قليل الدّسم
3- مصر اقرضت بريطانيا العضمى : طبعا الكلام دا حقيقي ومحدش يقدر ينكره بس مع تغيير بسيط (بدل من اقرضت .. نخليها دفعت اتاوه) لان الملك كان مجبر يدفع لبريطانيا ولم يجرؤ بمطالبتها بالاموال حتى عزله .. يعني مش غنى ولا كتر فلوس لان شعبه كان جعان وحافي وقتها
4- اما الاخوه النحانيج اللي بيقولو انهم ضد عبد الناصر علشان دخلنا في حروب ليس لنا فيها ناقه ولا جمل …. احب اقولهم ان الملك بتاعكم دخل الجيش في حرب فلسطين 1948 باسلحة فاسده وراح ضحيتها الكثير من الشهداء واقحمنا هو وابائه في الحرب العالميه الاولى والثانيه وحروب العثمانيين لدرجة ان نصف دول اوروبا بها مقابر لجنود وضباط مصريين ماتو في حروب بالوكاله … او بالاصح ان حكام مصر حينها كانو يجاملون الدول بدماء ابنائنا
5- اما قصة القاهره اجمل من باريس والنظافه والاناقه والكلام الحلو اللي بنسمعه دا فلازم ناخد بالنا ان الصفات دي لم تتوفر الا في الاحياء الراقيه كالزمالك وجاردن سيتي واماكن اقامة الاجانب والاثرياء وعلية القوم لكن باقي الدوله مكنش فيها حتى طرق اسفلت الا بالمديريات
6- اما بقى اللي يقولك زمن الديموقراطية الجميل والحياه النيابيه اللذيذه قوله بس يابابا … علشان ايامها كانت المجالس تقتصر فقط على الاثرياء ولابد للمرشح ان يمتلك اطيان واموال بالبنوك حتى يتم قبول طلبه .. يعني مش اي حد يبقى عضو مجلس نواب
7- الحلاق كان يوناني والترزي ايطالي ….. فعلا دي حقيقة
لكن كانو انضف من المصري الحافي اللي في الصورة
و كانو للبشاوات والاعيان والانجليز … وجدك لو راح هناك يبقى رايح ينضف المكان
وفي النهايه وحتى نكون محايدين لازم نشكره ان في شهر فبراير 1941قام الملك فاروق بالتبرع ب 2000 جنيه لشراء احذيه للمصريين بمناسبة عيد ميلاده وبناءا على قراره أصدر حسين سري باشا رئيس الوزراء قراراً بتشكيل لجنة مركزية لدراسة مشروع سمي في ذلك الوقت “بمشروع مكافحة الحفاء”
يعني لمشرووع القومي اللي تفضل الملك بيه على الشعب ……. انه لبسهم شباشب
ولو حد عند شائعات تاني يكتبها ونرد عليها
تحيا ثورة الحرية والاستقلال …….. تعيش مصر ويحيا جمال