 |
سـنوات وأيام مع جمال عبدالناصر
الدولة اللى أقامها الإسلام
واللى أقامها محمد عليه الصلاة والسلام
كانت أول دولة اشتراكي
ـ من كلماته خلال يوليو 1961 ـ . ..............." الإسلام فى أول أيامه كان أول دولة اشتراكية.. الدولة اللى أقامها الإسلام واللى أقامها محمد عليه الصلاة والسلام كانت أول دولة اشتراكية. محمد.. محمد النبى أول من طبق سياسة التأميم فى هذه الأيام.. فيه حديث عن النبى - عليه الصلاة والسلام - قال فيه إن الناس شركاء فى ثلاثة: الماء والكلأ والنار، فيه ناس قالوا إن أيضاً الملح.. معنى هذا إيه؟ فى هذه الأيام كانت المقومات الأساسية للمجتمع هى المراعى والميه؛ لأنهم رعاة بيرعوا.. بيعوزوا الميه وبيعوزو الكلأ، بيعوزوا النار وبيعوزوا الملح.. كان حاجة هامة، مقومات أساسية فى المجتمع، فالنبى قال إن الناس يجب أن يكونوا شركاء فى هذا.. ما يجيش واحد يستولى على مراعى ويقول دى بتاعتى. التأميم بيختلف عن هذا فى إيه؟! أما نقارن نفسنا بهذا الوقت.. الأول كان المجتمع بيعيش على المراعى، بيعيش على المَيه، وبيعيش على الكلأ، النار كانت مهمة له.. النهارده المصانع هى بتمثل والأراضى الزراعية، بتمثل المقومات الأساسية فى المجتمع. الدولة الإسلامية حينما قامت كانت هى أول دولة اشتراكية، الإسلام سار بعد النبى - عليه الصلاة والسلام - فى طريق الاشتراكية، وأيام أبو بكر وأيام عمر سار فى طريق الاشتراكية. وفى أيام النبى، وفى هذه الأيام أنصفوا أهل الفقر من أهل الغنى، وقاموا فى أيام عمر أمموا الأرض، ووزعوا الأرض على جميع الفلاحين. جميع الديانات بتنص على العدالة الاجتماعية.. جميع الديانات بتنص على الزكاة.. الإسلام بينص على الزكاة.. الزكاة اللى بتمثل ربع العشر من المال اللى موجود فى آخر السنة؛ يعنى لو الواحد بيدفع ٢.٥% كل سنة من المال المتبقى عنده فى آخر كل سنة بيبقى بيدفع فى ٤٠ سنة أو ٥٠ سنة كل هذه الأموال؛ إذن كان دين اشتراكى، لم تكن الزكاة إلا أساس من أسس الاشتراكية؛ ولهذا فعلاً فى هذه الأيام ماكانش فيه فقراء ماكانش فيه عجز، كان فيه تكافل اجتماعى كامل. طبعاً بعد كده يمكن بعض الناس.. بعض المشايخ بقوا يروحوا طبعاً كل واحد يخبط ديك رومى أو خروف عند الإقطاعيين، ويطلع يدى فتوى ان الملكية لا يمكن ان احنا نقرب لها، أولا يمكن ان احنا نمسها.. طبعاً هو ما بيفكرش.. اللى قال هذا الكلام ما بيفكر فى حاجة إلا فى جوز الفراخ اللى بيروح يخبطه فى العشوة، أو فى الديك الرومى اللى بيروح ياخده ويطلع يملا بطنه.. مالوش دعوة يعنى، اللى قال هذا الكلام يبقى كان أجير للرجعية، أجير للإقطاع، أجير للرأسمالية، والعمة كانوا بيحاولوا طبعاً فى هذا الوقت إنهم يضحكوا علينا بها. الدين عمل.. من أول الإسلام النبى كان يعمل، وكل واحد كان يعمل، ماكانش أبداً تجارة
......"
نشرت يوم 11 مارس 2007
- Date: Sun, 11 Mar 2007 00:56:14 -0500
الــــرجوع الى الفهـــرس للمتابعة والمواصلة
