الرئيسية / أخــبار / شوف الجنيه لما يغلب الكارنيه … و ساويرس يهاجم عبد الناصر !!

شوف الجنيه لما يغلب الكارنيه … و ساويرس يهاجم عبد الناصر !!

كتب حسن هيكل
شوف الجنيه لما يغلب الكارنيه … و ساويرس يهاجم عبد الناصر !!
عجبت و تعجبت لساويرس اللي المجلس العسكري طلعه من قضيه تجسس و تسريب مكالمات لصالح اسرائيل و شيلها للعضو المنتدب اسكندر شلبي و اتحكم عليه ب 3 سنين و غرامه قبل ما المحكمه تقضي لا بالبراءه بل بانقضاء الدعوي بمضي المده !! بعد البراءه صحي نجيب ساويرس و قام ليتطاول علي عبد الناصر و يتحدث عن الهزائم و الانتكسارات !!
ساويرس اللي اشتري اسمنت السويس ب 950 مليون جنيه و باعها ب 13 مليار يتطاول علي من بني اسمنت السويس و السد العالي
يعني يتطاول عاللي لحم اكتافه من خيره !!
تفتكرساويرس اللي اتعلم و كافح و اخد الدبلوم ايام عبد الناصر بيهاجم عبد الناصرليه بعد 50 سنه يمكن علشان ما دخلوش الجامعه في مصر ؟ فسافر اخد الدبلوم من سويسرا
ما مجموعه ما جابش جامعه في مصر !!! ذنبه ايه عبد الناصر !!
ها يفضل دبلوو الناس خلاص بتقولك بفلوسك اللي تقدر تشتري بيها جامعه يا باشمهندز عااادي يعني و تاخد دكتوراه كمان !!
حانق علي عبد الناصر اللي كان عامل كل حاجه بالمجموع موش بالفلوس ؟
والا علشان شركه مقاولات شريك ابوه لمعي اتاممت !!
زي ابن اخت عثمان احمد عثمان المهندس اللي ضبطته المخابرات المصريه بتهمه التجسس ايام حرب الاستنزاف و كان بيسرق خرائط قواعد الصواريخ و يسلمها لاسرائيل و لما سالوه قبل اعدامه قال علشان اممتوا شركه خالي !!
فيطلع عثمان بعد وفاه عبد الناصر و يهاجمه و يدعي انه يؤرخ لتجربتي !!
طيب انت يا ساويرس يا للي فلوس ابوك كانت من ليبيا ايام القذافي بعد وفاه عبد الناصر لكن اون تي في و ساويرس كانت مع امريكا ضد ليبيا و شعب ليبيا و ضد القذافي اللي كان سبب ثراء ابوك … مش دي قله اصل يعني !!
ساويرس اللي اللي وصف طارق عامر محافظ البنك المركزي انه ليسانس اداب
فنشبت بينهما حرب المؤهلات !!
عااادي ما احنا في عصركم الملعون كان عندنا وزير ما اتعلمش تعليم عالي .. دبلوم برضه و كان بيتقال له يا باشمهندس و بتاع اسكان كمان !!!
ساويرس العرق الصعيدي بيلعلع ضد اي حد يهاجمه او يمنع استحوازاته الرسميه اللي تجاوزت 68 مليار جنيه لما راح يشتري وسط القاهره الخديويه و جاردن سيتي و الدكتور ممدوح حمزه اشتكي لعمر سليمان رئيس المخابرات ان اي شركه اجنبيه تقدر تشتري مصر لو اتخذت شكل شركه استثمار و بفرق العمله ساويرس بيشتري لحساب مين الله اعلم !!
ساويرس اللي قال بالنص (( لو عاوزين نمشى البلد دى لازم ناخد قرار إحنا مع اقتصاد حر، ولا نرجع اشتراكيين وناصريين تانى)) ده بمناسبه ضوابط وضعتها الدوله لتنظيم عمليات استحواذ ساويرس علي احد شركات البنك التجاري الدولي
تعكس بوضوح انه مع الانفتاح السداح مداح ويهاجم بشراسه اي تدخل حكومي حتي و لو كان تنظيمي و في اطار اقتصاديات السوق
ساويرس اللي باع اون تي فيه و باع موبينيل و خرج اغلب استثماراته بره مصر
بيهاجم اللي بني مصر الحديثه و بيقول هزائم و انكسارات
كاننا نعيش اعظم ازمنه مصر في الاقتصاد و سددنا ديونا و اصبحنا نمور العالم الاقتصاديه و الافضل تعليما و صحه و الوظائف لا تجد من يشغلها و الرفاهه في عيون كل المصريين في ظل نظام راسمال متوحش افقر شعبنا بطبقته الوسطي و سحق الفقراء و يريد نجيب ساويرس المزيد !!
ساويرس حكاياته كثير مع الضرائب و التهرب الضريبي و مع موبينيل و البورصه ومع اون تي في خليك بره السياسه احسن يا ساويرس ده عبد الناصر باني المصانع و بني مصر الحديثه عبد الناصر حرر مصر بعد استعمار 72 سنه
عبد الناصر حرر افريقيا و اسيا و امريكا اللاتينيه و امم قناه السويس و انشأ الاف المصانع و كان التعليم مجاني راقي اخرج علماء زي احمد زويل و يحي المشد عبد الناصر الذي انشأ اول مفاعل نووي في انشاص قبل ان تولد يا ساويرس عبد الناصر الذي اضاف لمصر مليون و نصف مليون فدان و انشأ السد العالي و ادخل الماء و الكهرباء الي القري و الريف وانخفضت نسبة الأمية من 80% قبل 1952 إلى 50% عام 1970 بفضل مجانية التعليم فى كل مراحل الدراسة .
و عين جميع الخريجين و قضي علي البطاله عام 1966
لم تقرأ يا نجيب ما أعلنه البنك الدولي في تقريره رقم 870 أن مصر استطاعت عبر تلك الإجراءات ( التخطيط الاقتصادي ) تحقيق نسبة نمو من عام 1957 – 1967 بلغت ما يقرب من 7 % سنويا، وهذا يعنى يعنى أن مصر استطاعت فى عشر سنوات من عصر عبد الناصر أن تقوم بتنمية تماثل أربعة أضعاف ما استطاعت تحقيقه فى الأربعين سنة السابقة على عصر عبد الناصر!! .
وزادت معدلات النمو الاقتصادي في عصر جمال عبد الناصر وبعد نكسه 67 فى فبلغت 8% عامى 1969 و 1970 سنويا.
واستطاع الاقتصاد المصري عام 1969 أن يحقق زيادة في فائض الميزان التجاري لأول وأخر مرة فى تاريخ مصر المعاصر بفائض قدره 46.9 مليون جنية
كيف تلتقيان رجل بني مصر بالتنميه و التحديث وبالمساواه و تكافؤ الفرص مع سمسار من سماسره و تجار بيع مصر و هل يلتقي الخبيث بالطيب ؟
يا من كنت اظنك نجيب شيلت اسكندر شلبي العضو المنتدب لشركتك موبينيل قضيه تمرير المكالمات المصريه لاسرائيل و اتحكم عليه ب 3 سنين و غرامه 20 الف جنيه و عملت نفسك من بنها و جاي بعد 47 سنه من رحيل عبد الناصر تهاجمه
لسه خايفين من جزمه عبد الناصر احسن تسقط علي دماغ كل صاحب بطحه من ناهبي مصر وجواسيس ووكلاء الاستعمار الجديد
حسن هيكل
30-10-2017

عن admin

شاهد أيضاً

حركات المقاطعة ومقاومة التطبيع مع الكيان الصهيوني في الخليج العربي تعقد مؤتمرها الأول في الكويت

تحت رعاية رئيس مجلس الأمة الكويتي وبمشاركة شبابية خليجية وعربية واسعة 28 أكتوبر 2017 (الكويت): …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *